Amazon Bumper Recruitment in Mumbai Pune Job News in Marathi;Amazon देतेय 1 लाखाहून अधिक नोकऱ्या, मुंबई, पुण्यातील तरुणांना भरघोस पगार मिळवण्याची संधी

Amazon Job: सध्या अमेझॉनवर खूप साऱ्या ऑफर्स पाहायला मिळत आहेत. तुम्हाला हव्या असलेल्या वस्तू अत्यंत कमी किंमतीत उपलब्ध आहेत. तर दुसरीकडे अमेझॉनमध्ये बंपर भरती देखील सुरु आहे. ई-कॉमर्स प्लॅटफॉर्म अमेझॉन सणासुदीच्या काळात बंपर नोकऱ्या देणार आहे. अमेझॉन इंडियाकडून यासंदर्भात माहिती देण्यात आली आहे. सणासुदीच्या काळात आपल्या ऑपरेशनल नेटवर्कमध्ये 1 लाखाहून अधिक रोजगार उपलब्ध करण्याचा निर्णय अमेझॉन इंडियाने घेतला आहे.

एक लाखाहून अधिक नोकऱ्या

आमच्या लाखो ग्राहकांना खरेदीचा उत्तम अनुभव मिळावा यासाठी आमची पूर्तता, वितरण आणि ग्राहक सेवा क्षमता बळकट करत आहोत. यासाठी अमेझॉन इंडिया एक लाखाहून अधिक कामगारांचे स्वागत करत आहे, असे APAC, MENA LATAM आणि WW कस्टमर सर्व्हिसचे ऑपरेशन्स प्रमुख अखिल सक्सेना यांनी सांगितले. 

8 ऑक्टोबरपासून विक्री सुरू

Amazon India ने 8 ऑक्टोबरपासून Amazon ग्रेट इंडियन फेस्टिव्हल आणला आहे. ग्राहकांनी ऑर्डर केलेल्या वस्तू शिप पॅक करुन ग्राहकांच्या ऑर्डर वितरीत करण्यासाठी अमेझॉनला मॅनपॉवरची गरज आहे.
मुंबई, दिल्ली, पुणे, बेंगळुरू, हैदराबाद, कोलकाता, लखनऊ आणि चेन्नई या शहरांमध्ये अमेझॉनचे ग्राहक मोठ्या प्रमाणात आहेत. त्यामुळे या शहरांमध्ये ही भरती केली जाईल. येथे Amazon मोठ्या प्रमाणात प्रत्यक्ष आणि अप्रत्यक्ष नोकऱ्या उपलब्ध करून देईल.

ग्राहक सेवा सहयोगींची भरती

नवीन नियुक्त्यांमध्ये कस्टमर सपोर्ट असिस्टंटचाही समावेश आहे. ज्यापैकी काही व्हर्च्युअल ग्राहक सेवा मॉडेलचा भाग आहेत. देशभरात स्वत:चा ठसा मजबूत करताना ग्राहकांना चांगला अनुभव प्रदान करणे, हे यामागचे उद्दीष्ट्य आहे.

Amazon India ची 15 राज्यांमध्ये पूर्तता केंद्रे आहेत. त्यांच्याकडे विक्रेत्यांच्या यादीसाठी 43 दशलक्ष घनफूट स्टोरेज स्पेस आहे. याचा फायदा देशातील 13 लाखांहून अधिक विक्रेत्यांना होतो. कंपनीची 19 राज्यांमध्ये वर्गीकरण केंद्रे आहेत. तसेच जवळपास 2 हजार Amazon संचालित आणि भागीदार वितरण स्टेशनचे नेटवर्क आहे.